Makkár rolla dáidaga geavadagain ja sisdoaluin sáhttá leat vuoiggalaš suvdilvuođasirdašuvvamiin?

Punos jođiha njealjejahkásaš Kenen ilmasto, kenen tulevaisuudet? (‘Gean dálkkádat, gean boahtteáiggit?’) -fidnu, mas mii ollašuhttit golbma duoji iešguđetlágan dáiddárjoavkkuin. 

Vuosttas duoji, Orodansaji, leat duddjon Jenni Unni Aili Laiti (Jenni Laiti), Merethe Kuhmunen ja Niillasaš-Jovnna Máreha Juhani Sunná Máret (Sunna Nousuniemi). Dan váibmosuotnan leat sápmelaččaid iešmearridanvuoigatvuohta, dálkkádatvuoiggalašvuohta ja arvedávgesápmelašvuohta. Orodansadji lea válmmaštallon iešguđet guovllus Sámis, ja bargu lea vuođđuduvvan gulahallamii fierpmis ja njunnálagaid. Duodjeollislašvuohta bajida vuoiŋŋasteami, ođasmuvvama ja sohkabuolvvaid rasttildeaddji ovttasorruma gažaldagaid sámeduoji, sámegiela ja musihka bokte.

Jagi 2022 álggus álggii nubbi Punos-duodji, dáiddár-kuráhtor Ama Josephine Budge Acts of Love -duodji. Dán duojis badjánit earret eará antirasismma, divššu ja ovddasvástádusa guoddima gažaldagat dáiddabarggus ja dáiddainstitušuvnnas. Ama Josephine Budge dáiddalaš bargu buktá oidnosii ja burgá čihkkojuvvon váldegeavaheami proseassaid, maid dovdán lea suvdilis ja vuoiggalaš dáidaga máilmmiid eaktun. 

Min goalmmát kommišuvdna álgá jagi 2023. Maiddái dán duojis guorahallat suvdilvuođagažaldagaid máŋga iešguđet geahččanguovllus ja máŋggajienalaččat. Min jurdda lea, ahte duojit, maid Punos ollašuhttá, giessásit oktii ja šaddet guhkes áiggi mielde ođđalágan dáidaga ekosystema oassin.